لوئرکرم کے علاقوں میں سامان لیجانے والی گاڑیوں کے قافلے پر حملہ، ایک ٹرک ڈرائیور شہید
ضلع کرم میں لوئرکرم کے علاقوں میں سامان کی گاڑیوں کے قافلے پر فائرنگ کے نتیجے میں ایک ٹرک ڈرائیور شہید۔
پولیس کےمطابق آج صبح کھانے پینے کی اشیا، ادویات اور دیگر سامان سے لدی 64 گاڑیاں ضلع ہنگو سے ضلع کرم کیلئے روانہ ہوئی تھیں۔
پولیس نے بتایاکہ لوئرکرم پہنچنے پربگن،او چت، مندوری، ڈاڈ قمر اور چارخیل سمیت 7 مقامات پر قافلے پر حملے کیے گئے بعدازاں زخموں کی تاب نہ لاتے ہوئے ایک ڈرائیور شہید ہوگیا۔ جس کے نتیجے میں 5 ٹرک ڈرائیوروں سمت 15 افراد زخمی ہو گئے۔
پولیس کا کہنا ہے کہ حملےکے بعد مال سے لدی ہوئی 64 گاڑیوں میں سے 42 گاڑیاں پھنس گئیں اور کچھ گاڑیوں کے مالکان واپس ہنگو کے لیے روانہ ہو گئے۔
مزید معلومات کے مطابق پھنسی ہوئی گاڑیوں سے مقامی افراد کی جانب سے سامان لوٹ لیا گیا اور اس کے بعد ٹروکوں اور گاڑیوں کو آگ لگا دی گئی۔
یاد رہے کہ اس سے قبل بھی کرم میں فائرنگ کے واقعات میں متعدد پولیس اہلکاروں اور عام شہریوں کی شہادت کے باعث امدادی قافلوں کی پارا چنار فراہمی معطل ہو چکی ہے۔
