یمن پر امریکی حملے، 338 سے زائد شہری شہید اور زخمی

یمن کی وزارت صحت نے اعلان کیا ہے کہ گذشتہ ماہ کے وسط سے ملک پر امریکی وحشیانہ حملوں کے دوران کم از کم 338 افراد شہید اور زخمی ہوئے ہیں۔

رپورٹ کے مطابق حملوں کا نشانہ بننے والوں میں زیادہ خواتین اور بچے ہیں۔

یمنی وزارت صحت کی رپورٹ میں کہا گیا ہے کہ ان حملوں کے دوران 117 شہری شہید اور 221 زخمی ہوئے ہیں۔

واضح رہے کہ یمن کے خلاف امریکی حملوں کا مقصد اس ملک کو مظلوم فلسطینی عوام کی حمایت سے روکنا ہے، تاہم انصار اللہ نے امریکہ اور اسرائیل کی ناک میں دم کر رکھا ہے۔