شہدائے مقاومت کو خراج عقیدت، رضویہ سوسائٹی کراچی میں تعزیتی اجتماع

شہدائے مقاومت سید حسن نصراللہ و سید ہاشم صفی الدین کی تشییع جنازہ بیروت میں منعقد ہوئی، اس موقع پر آئی ایس او کراچی ریجن کی جانب سے شہداء کو خراج عقیدت پیش کرنے کیلئے کراچی کے مختلف علاقوں میں تعزیتی اجتماعات کا انعقاد کیا گیا۔

رضویہ سوسائٹی فیز 1 میں منعقدہ اجتماع میں بزرگ عالم دین علامہ مرزا یوسف حسین اور مجلس وحدت مسلمین کے رہنما علامہ شیخ محمد صادق جعفری سمیت دیگر مقررین نے خطاب کیا جبکہ معروف نوحہ خواں شاہد بلتستانی نے بارگاہ شہداء میں نذرانہ عقیدت پیش کیا۔ اس موقع پر علاقہ مکینوں نے بھرپور شرکت کی۔