علامہ شبیر میثمی کی اقتداء میں شہید نوحہ خوانوں کی نماز جنازہ عباس ٹائون میں ادا
شیعہ علماء کونسل پاکستان کے سیکرٹری جنرل علامہ ڈاکٹر شبیر حسن میثمی کی اقتداء میں مانجھند نزد سیہون شریف روڈ حادثے میں شہید علامہ حسن ترابی کے فرزند زین ترابی، معروف منقبت خواں خواجہ علی کاظم اور سید علی جان رضوی کی نماز جنازہ عباس ٹائون میں ادا کر دی گئی۔
نماز جنازہ میں ہزاروں کی تعداد میں عزاداران سید الشہداء کی شرکت کی۔
نماز جنازہ میں ایس یو سی اور ایم ڈبلیو ایم کی صبائی قیادت کے علاوہ معروف نوحہ خوان حضرات، سیاسی، سماجی و دیگر شعبہ ہای زندگی سے تعلق رکھنے والے افراد بھی موجود تھے۔ ہر آنکھ اشکبار ہر طرف لبیک یاحسین (ع) کی ۔۔۔۔۔صدائیں و فضا سوگوار
نماز جنازہ کے بعد شہید زین ترابی (فرزند شہید علامہ حسن ترابی) کا جسد خاکی تدفین کے لئے وادی حسینؑ قبرستان جب کہ شہید کاظم خواجہ، سید جان علی رضوی اور ندیم خواجہ کا جسد خاکی بلتستان کے لئے روانہ کردیے گئے۔
